وزیر اعلیٰ مریم نواز شریف نے اپنی چھت ، اپنا گھر پروگرام کے لئے62 ارب روپے کی منظوری دے دی ہے۔ مریم نواز نے مئی تک 40ہزار لون دینے کاہدف مقررکر دیا ۔ وزیر اعلیٰ پنجاب نے اپنی چھت ۔اپنا گھر پروگرام کے لون دینے کا عمل جلد از جلد مکمل کرنے اور لون 15 سے بیس لاکھ کرنے کی تجویز کا جائزہ لینے کی ہدایت کی ہے۔ وزیر اعلیٰ پنجاب کی زیر صدارت اجلاس میں بریفنگ کے دوران وزیر اعلیٰ کو بتایا گیا کہ صوبہ بھر میں تقریباًپانچ ہزار شہری اپنی چھت- اپنا گھر پروگرام کے تحت لون لے چکے ہیں۔ پروگرام کے تحت 4200سے زائدمکان تیزی سے تکمیل کی طرف گامزن ہیں۔ روڈا اور ہاؤسنگ اینڈ اربن ڈویلپمنٹ کے اشتراک سے نادار خاندانوں کو بھی بنے بنائے گھر ملیں گے۔ مریم نواز شریف نے کہاکہ میں چاہتی ہوں کہ ہر بے گھر کے پاس اپنی چھت ہو۔اپنا گھر ہر شہری کا بنیادی حق ہے ۔
DATE .JAN/13/2025
