لندن-سکھوں نے بھارتی وزیرخارجہ جے ایس شنکر کے سرکاری دورے پر لندن پہنچنے پر شدید احتجاج کرتے ہوئے انہیں آڑے ہاتھوں لیا ہے۔
رپورٹس کے مطابق سکھ مظاہرین نے مودی اور بھارتی حکومت کے خلاف شدید نعرے بازی کی، ایک سکھ رہنماء جے شنکر کی گاڑی کی طرف بھاگا اور بھارتی پرچم پھاڑ کر شدید غصے کا اظہار کیا،تحریک خالصتان کے حامی مظاہرین نے جے شنکر کی برطانوی وزیراعظم اور فارن سیکٹری سے ملاقات کو بھی شدید تنقید کا نشانہ بنایا۔
برطانیہ میں جے شنکر کی موجودگی کے دوران سکھوں نے مودی کی پالیسیوں اور بھارتی حکومت کے اقدامات کی شدید مذمت کی، اس سے قبل جے شنکر کو واشنگٹن دورے کے دوران بھی سکھ رہنماؤں کی جانب سے ذلت امیز رویے کا نشانہ بنایا گیا، احتجاج میں شریک سکھ رہنماؤں کا کہنا تھا کہ جے شنکر بھارت کے عالمی جاسوسی نیٹ ورک کو چلا رہا ہے، مظاہرین نے مطالبہ کیا کہ بھارتی وزیر خارجہ جے شنکر کے سکھوں کے خلاف شرانگیز اقدامات پر عالمی سطح پر پابندیاں عائد کی جائیں۔
بھارت میں پچھلی کئی دہائیوں سے سکھوں کو ان کی بنیادی مذہبی، سیاسی اور سماجی حقوق سے محروم کیا جا رہا ہے جس کے خلاف پوری دنیا میں سکھ سراپا احتجاج ہیں-
DATE . Mar/7/2025
