اسلام آباد-وفاقی وزیر شزا فاطمہ نے نیشنل ٹیلی کمیونیکیشن کارپوریشن میں قائم وزیراعظم رمضان پیکیج کنٹرول روم کا دورہ کیا ہے، کنٹرول روم کا مقصد پیکج کی موثر نگرانی اور شفافیت کو یقینی بنانا ہے۔
وفاقی وزیر شزا فاطمہ خواجہ نے رمضان پیکیج کی مانیٹرنگ کے نظام کا جائزہ لیا،انہیں رمضان پیکیج کی ڈیجیٹل مانیٹرنگ کے لیے تیار کردہ پورٹل کے کام کرنے کے طریقہ کار پر تفصیلی بریفنگ دی گئی۔
وزیر آئی ٹی و ٹیلی کام شزا فاطمہ خواجہ کو اجلاس میں رمضان پیکیج کے تحت فراہم کی جانے والی سبسڈی، مانیٹرنگ میکنزم اور عوامی شکایات کے ازالے کے حوالے سے بریفنگ دی گئی،رمضان پیکیج کے تحت قائم کردہ کال سینٹر کی کارکردگی اسکرین پر مانیٹرنگ کے ذریعے دکھائی گئی، عوامی شکایات کے ازالے کے لیے کی جانے والی کوششوں پر بھی شزا فاطمہ کو بریف کیا گیا ۔
وزیر شزا فاطمہ خواجہ نے ہدایت دی کہ رمضان پیکیج کی مانیٹرنگ کے لیے تیار کردہ پورٹل کو مزید مؤثر اور صارف دوست بنایا جائے-
DATE . Mar/7/2025
