اسلام آباد-وزیرِ اعظم نے کہا ہے کہ آج کی دنیا جدید ترین ٹیکنالوجی کی متقاضی ہے، جدید خطوط پرنوجوان نسل کو آئی ٹی، اے آئی اور ووکیشنل تربیت فراہم کی جائے تو یہ ملک کا سرمایہ بنیں گے۔
پرائم منسٹرز ڈیجیٹل یوتھ ہَب کے اجراء کی تقریب سے خطاب کرتے ہوئے وزیرِ اعظم نے اس عزم کا اظہار کیا کہ نوجوانوں کو خودمختار بنانے کےلئے جتنے بھی اخراجات درکار ہو ئے فراہم کئے جائیں گے۔
وزیراعظم کا کہنا تھا کہ آج کی دنیا جدید ترین ٹیکنالوجی کی متقاضی ہے۔ماڈرن ٹیکنالوجی کے ذریعے نوجوانوں کو آئی ٹی، اے آئی، ووکیشنل ٹریننگ دی جائے تو یہ ملک کا سرمایہ بنیں گے۔
وزیراعظم نے کہا کہ نوجوان ملک کا سب سے بڑا اثاثہ ہیں، ان کی صلاحیتوں کے نکھار اور با اختیار بنانے کےلئے جتنے بھی اخراجات درکار ہوں گے، فراہم کئے جائیں گے۔
نے کہا کہ قرضوں سے قومیں ترقی نہیں کرتیں، قرضے کی زندگی کو محنت کے ذریعے عزت ووقار کی زندگی میں بدلنا ہوگا،دعا ہے کہ آئی ایم ایف کا یہ آخری پروگرام ہو،خادم بن کر پاکستان کی خدمت کرتا رہوں گا۔
انہوں نے کہا کہ بطور وزیراعلیٰ پنجاب تعلیم، صحت اور نوجوانوں کےلئے ترجیحی اقدامات کئے،بطور وزیراعلیٰ پنجاب میرٹ کی بنیاد پر4لاکھ لیپ ٹاپ ہونہار طلباء میں مفت تقسیم کئے،ہم نے کسان، صنعت کار اور نوجوان کو معاشی طور پرمضبوط بنانا ہے۔
وزیراعظم نے اپنے طرز کی منفرد ایپ، ڈیجیٹل یوتھ ہب کا باقاعدہ افتتاح بھی کیا،ایپ کے زریعے تعلیم، روزگار، ٹیکنالوجی ، سکالر شپس ، سکلز سمیت تمام مواقع ایک پلیٹ فارم پر فراہم کئے جارہے ہیں۔پرائم منسٹر ڈیجیٹل یوتھ ہب کے ذریعے نوجوانوں کےلئے نوکریاں، لون سکیم کے تحت قرضہ جات کی فراہمی، لیپ ٹاپ فار آل اسکیم میں آسان اقساط اور سود سے پاک قرضہ جات کا حصول ڈیجیٹل ہب کے ذریعے ممکن ہوسکے گا۔
DATE . Mar/28/2025
