نئی دلی-بھارت میں انتہا پسند مودی سرکار کی جانب سے پارلیمنٹ سے منظور ہونے والے منتازع وقف ترمیمی بل کے خلاف بھارت کے مختلف شہروں میں مسلمان سراپا احتجاج ہیں۔
بھارتی میڈیا کے مطابق لوک سبھا کے بعد راجیہ سبھا نے بھی وقف ترمیمی بل جمعرات کے روز منظور کرلیا، دونوں ایوانوں کی منظوری کے بعد اب یہ بل بھارتی صدر کے پاس جائے گا اور ان کی منظوری کے بعد یہ باقاعدہ قانون کی شکل اختیار کرلے گا۔
بھارت کے مختلف شہروں میں بڑی تعداد میں مسلمانوں نے بل کی مخالفت میں احتجاج کیا،مظاہرین نے اس بل کو مسلمانوں کے خلاف ایک سازش قرار دیا۔
لوک سبھا میں اپوزیشن لیڈر راہول گاندھی نے کہا کہ وقف ترمیمی بل کا مقصد مسلمانوں کو پسماندہ کرنا اور ان کے جائیداد کے حقوق کو غصب کرنا ہے۔
مودی حکومت کی مسلم مخالف پالیسیوں کا تسلسل بھارت میں جاری ہے ، جن کی بدولت مسلمانوں کا استحصال کیا جارہا ہے-
DATE . Apr/5/2025
