ینگون-میانمار میں زلزلہ متاثرین کےلئے پاکستان کی جانب سے بھیجوائی گئی دوسری امدادی کھیپ متعلقہ حکام کے حوالےکردی گئی۔
ترجمان این ڈی ایم اے کے مطابق پاکستان کی جانب سے زلزلہ متاثرین کے لئے 35 ٹن پر مشتمل امدادی سامان کی دوسری کھیپ میانمار میں پاکستانی سفیر نے ینگون کے وزیر اعلیٰ کے حوالے کی۔
وزیراعظم محمد شہباز شریف کی ہدایت پر پاکستان اب تک زلزلہ متاثرین کیلئے 70 ٹن امدادی سامان بھیجواچکا ہے،امدادی سامان میں تیار کھانا، کمبل، ترپالیں، خیمے، ادوایات اور پانی کے ماڈیولز شامل ہیں۔
ینگون کے وزیر اعلیٰ نے فوری امداد کی فراہمی پر حکومت پاکستان اور عوام کا شکریہ ادا کیا ہے۔
حکومت پاکستان نے یقین دلایا ہے کہ پاکستان مشکل کی اس گھڑی میں میانمار کے زلزلہ متاثرین کے ساتھ کھڑا ہے۔
DATE . Apr/6/2025
