ڈیرہ اسماعیل خان-درہ زندہ، میں پاک فوج کے تعاون سے شیرانی قوم کے عمائدین کا گرینڈ امن جرگہ منعقد ہوا،شرکاء نے علاقائی امن اور فتتہ الخوارج کے خاتمے کیلئے پاک فوج کا مکمل ساتھ دینے کا اعلان کیا ۔
جرگے میں شیرانی قوم کے مشران و عمائدین سمیت بڑی تعداد میں علماء کرام، اساتذہ کرام اوردیگر مکاتب فکر کے لوگ بڑی تعداد میں شریک ہوئے،جرگے میں بریگیڈ کمانڈرنے بھی خصوصی طور پر شرکت کی۔
مشران و عمائدین نے پاک فوج اور سکیورٹی فورسز اور اُنکے شہداء کی لازوال قربانیوں کو زبردست خراج تحسین پیش کیا ،شرکاء نے فتتہ الخوارج اور شر پسند عناصر کی روک تھام کےسلسلے میں حکام کے ساتھ مکمل تعاون کی یقین دہانی کرائی۔
مشران و عمائدین ، علماء اور مشائخ کرام نے علاقے میں تعلیم، صحت خصوصاً بچیوں کی تعلیم کے حوالے سے کی جانے والی کاوشوں پر پاک فوج کا شکریہ ادا کیا
DATE . Apr/6/2025
