اسلام آباد:8 اپریل 2025 – وفاقی وزیر برائے قومی غذائی تحفظ رانا تنویر حسین کی زیرِ سرپرستی ماہرین کی عالمی کانفرنس کا کامیاب انعقاد ہوا، کانفرنس میں دنیا بھر سے ممتاز ماہرین نے شرکت کی جس سے عالمی تعاون کی نئی راہیں کھلیں گی۔
وفاقی وزیر رانا تنویر حسین نے کانفرنس سے خطاب کرتے ہوئے کہا کہ پولٹری صنعت عالمی غذائی تحفظ کا اہم ستون ہے،پولٹری ہیلتھ مینجمنٹ میں جدید اور پائیدار طریقوں کو اپنانا ضروری ہے،صحت مند پولٹری نظام مستحکم معیشت کی ضمانت ہے۔
انہوں نے کہا کہ وزارتِ قومی غذائی تحفظ، جدید تحقیق و ترقی کی سرپرست ہے، ماحولیاتی تبدیلی اور ابھرتی بیماریوں سے نمٹنے کے لیے مشترکہ حکمتِ عملی ضروری ہے۔
رانا تنویر حسین نے پولٹری سیکٹر میں پائیداری اور انسان دوست پالیسیوں کی ضرورت پر زور دیتے ہوئے کہا کہ پاکستان پولٹری سیکٹر میں جدت و ترقی کے لیے پرعزم ہے۔
DATE . Apr/9/2025
