پاکستان بیت المال کی جانب سے کاکلئر امپلانٹ سے مستفید بچوں کے اعزاز میں خصوصی ظہرانہ، سماعت سے محروم بچوں کی مستقل معاونت کے عزم کا اعادہ

اسلام آباد: منیجنگ ڈائریکٹر پاکستان بیت المال سینیٹر کیپٹن شاہین خالد بٹ نے کاکلئر امپلانٹ سرجری سے حال ہی میں مستفید ہونیوالے متعدد بچوں کے والدین کو کھانے پر مدعو کیا۔ اس موقع پر انہوں نے بچوں کے والدین سے کاکلئر امپلانٹ سرجری کے بعد متعلقہ ہسپتالوں میں فراہم کردہ سہولیات کے حوالے سے بھی دریافت کیا۔ایم۔ڈی پاکستان بیت المال ہر بچے سے ملے او ر بات چیت کرتے ہوئے ان کے ردِ عمل پر خوشی کا اظہار کیا۔ سرجری کے بعد Speech Therapyکی اہمیت کے پیشِ نظر ایم۔ڈی پاکستان بیت المال نے متعلقہ ہسپتالوں میں نظام کو بہتر بنانے کے لیے اقدامات اٹھانے پر زور دیا۔ بچوں کے والدین سے بات چیت کرتے ہوئے منیجنگ ڈائریکٹر پاکستان بیت المال نے انہیں یقین دہانی کرائی مہنگے آلے کاکلئر امپلانٹ فراہمی کے بعداُس وقت تک اِن بچوں کے کاکلئر امپلانٹ سے متعلقہ مسائل کر حل کیا جائے گاجب تک وہ خود مختار زندگی گزارنے کے قابل نہیں ہوجاتے۔ انہوں نے کہا کہ کاکلئر امپلانٹ کی سرجری کے بعد بچوں کے چہروں خوشی اور ان کی آنکھوں میں زندگی چمک محسوس کرنا باعثِ خوشی و اطمینان ہے۔سینیٹر کیپٹن شاہین خالد بٹ نے اس موقع پر اظہارِ خیال کرتے ہوئے کہا کہ پیدائشی طور پر سننے اور بولنے سے محروم بچوں کوکاکلئر امپلانٹ کی مدد سے زندگی کی آوازیں سننے کے قابل بناتے ہوئے انہیں کامیاب اور پرُاعتماد زندگی کے سفر پر گامزن کرنا ترجیحات میں شامل ہے۔یاد رہے کہ اب تک پاکستان بیت المال 2343ملین روپے کی رقم سے 1738بچوں کے لیے کاکلئر امپلانٹ سرجری ممکن بنا چکا ہے

DATE . Apr/11/2025