اسلام آباد-پاکستان میں غیر قانونی طور پر مقیم افغان باشندوں کی وطن واپسی کا عمل تیزی سے جاری ہے۔گزشتہ روز( 10 اپریل)7 ہزار782 سے زائد افغان باشندوں کو واپس روانہ کیا گیا،۔پاکستان سے واپس جانے افغان باشندوں کی مجموعی تعداد 9 لاکھ 28 ہزار 845 ہوگئی۔
حکومتِ پاکستان نے واضح کیا ہے کہ غیر قانونی طور پر مقیم غیر ملکیوں اور افغان سٹیزن کارڈ ہولڈرز کے خلاف سخت قانونی کارروائی عمل میں لائی جا رہی ہے، حکومت کی جانب سے انہیں باعزت طریقے سے واپس بھیجوایا جارہا ہے اور اس بات کو بھی یقینی بنایا جا رہا ہے کہ انخلا ءکے دوران کسی سے بدسلوکی نہ کی جائے۔
واپس جانے والوں کے لیے خوراک اور صحت کی بہترین سہولیات فراہم کی گئی ہیں، حکومت پاکستان نے اس عمل میں انسانی حقوق کا مکمل احترام کیا ہے۔
DATE . Apr/11/2025
