روانڈا کے وزیر خارجہ کا 21 اپریل سے پاکستان کا دورہ، اعلیٰ سطحی ملاقاتیں اور ہائی کمیشن کا افتتاح متوقعاسلام آباد: جمہوریہ روانڈا کے وزیر برائے امور خارجہ و بین الاقوامی تعاون، اولیویئر جے پی ندُوہُنگیرِہے 21 تا 22 اپریل تک پاکستان کا دورہ کر رہے ہیں۔ترجمان دفتر خارجہ شفقت علی خان نے بتایا ہے کہ یہ دورہ نائب وزیر اعظم اسحاق ڈار کی دعوت پر کیا جارہا ہے۔دورہ کے دوران وزیر خارجہ اولیویئر جے پی ندُوہُنگیرِہے نائب وزیر اعظم اسحاق ڈار کے ساتھ اہم مذاکرات کریں گے۔علاوہ ازیں وہ وزیر اعظم اور چیئرمین سینیٹ یوسف رضا گیلانی سے بھی ملاقات کریں گے، جبکہ وفاقی وزراء سے بھی ملاقاتیں متوقع ہیں۔وزیر خارجہ اولیویئر جے پی ندُوہُنگیرِہے اسلام آباد میں جمہوریہ روانڈا کے ہائی کمیشن کا باقاعدہ افتتاح بھی کریں گے۔ اس کے علاوہ، وہ کاروباری برادری کے ارکان سے ملاقات کریں گے۔یہ دورہ کیگالی اور اسلام آباد میں متعلقہ سفارتی مشنز کے قیام کے بعد جمہوریہ روانڈا کے وزیر خارجہ کا پہلا سرکاری دورہ ہے، جس سے دونوں دوستانہ ممالک کے درمیان تعاون کے نئے مواقع پیدا ہوں گے.
Date . Apr/22/2025
