پاک بحریہ کے عالمی بحری قوتوں سے بڑھتے تعاون پر بھارتی میڈیا کو تشویش لاحق ہو گئی ہے۔
پاکستان اور سری لنکا کی بحری مشق کی منسوخی سے متعلق بھارتی میڈیا کی بے بنیاد خبریں بے نقاب ہو گئیں، امن 2025 میں 60 ممالک کی تاریخی شرکت پر بھارتی میڈیا کی بوکھلاہٹ دیکھنے میں آ رہی ہے۔
سری لنکن بحریہ کی امن مشق میں فعال شرکت پاکستان کے ساتھ مضبوط دفاعی تعلقات کا مظہر ہے، پی این ایس اصلت کے کولمبو کے خیر سگالی دورے سے بحری تعاون میں مزید اضافہ ہوگا۔
سری لنکا کی وزارت دفاع نے پاکستان اور سری لنکا کی بحری مشق کی منسوخی سے متعلق بھارتی میڈیا کے دعووٴں کو سختی سے مسترد کر دیا، بھارتی میڈیا کی بے بنیاد خبریں بھارت کی پاکستان اور سری لنکا کے قریبی تعلقات کو نقصان پہنچانے کی ناکام کوششیں ہیں۔
DATE . Apr/21/2025
