ریاض: سعودی عرب کے علاقے باحہ میں جاری میلے کے دوران روایتی روٹی ’’المقناہ‘‘ سیاحوں کے لیے تیار کی جا رہی ہے، جو پتھر پر پکائی جاتی ہے۔ سعودی خبررساں ادارے (ایس پی اے) کے مطابق، مملکت کے مختلف خطوں میں نسل در نسل چلنے والے رسم و رواج میں المقناہ روٹی باحہ کے روایتی پکوان کا ایک اہم حصہ ہے۔
مقامی ہنرمند یہ روٹی مارکیٹوں اور فیسٹولز میں تیار کرتے ہیں جہاں بڑی تعداد میں لوگ اس کا لذت کا تجربہ کرنے آتے ہیں۔
سعودی عرب کی کلنری آرٹس کمیشن نے اس روٹی کو سرکاری ڈش کے طور پر تسلیم کیا ہے جو اپنی منفرد ذائقے کی بدولت مشہور ہے۔ حالیہ آٹھویں الطاولہ فیسٹول میں ایک مخصوص المقناہ پویلین قائم کیا گیا، جہاں سیاح روٹی کی تیاری کے عمل کو دیکھ سکتے تھے۔
نانبائی احمد الشیوخ نے بتایا کہ گندم کے آٹے سے تیار کیے گئے آٹے کو گول شکل میں پھیلا کر گرم پتھر پر پکایا جاتا ہے، پھر اسے پکانے کے لیے مٹی یا دھاتی ڈھکن سے ڈھانپ کر گرم راکھ اور انگاروں میں دبا دیا جاتا ہے۔ اس روایتی طریقے سے روٹی میں خاص دھوئیں جیسا ذائقہ اور کرکرا پن آتا ہے، اور یہ عموماً گھی، شہد یا دہی کے ساتھ پیش کی جاتی ہے۔
یہ فیسٹول مقامی ہنر اور ثقافت کو محفوظ رکھنے میں مدد فراہم کرتا ہے، ساتھ ہی ثقافتی سیاحت کو فروغ دیتا ہے-
DATE . Aug/11/2025
