پاکستانی ٹک ٹاکر سحر حیات نے گلوکار سمیع رشید سے علیحدگی کی تصدیق کردی۔
ٹک ٹاکر سحر حیات نے دسمبر 2022 میں گلوکار سمیع رشید سے نکاح کیا تھا جس کے بعد جولائی 2023 میں سحر اور سمیع پر تعیش شادی کی تقریبات کے سبب سرخیوں کی زینت بنے تھے، بعد ازاں 2024 میں جوڑے کے ہاں پہلی بیٹی پیدا ہوئی تھی۔
کچھ ماہ قبل جوڑی کے درمیان علیحدگی کی افواہیں سامنے آئی تھیں تاہم سمیع رشید کی جانب سے سوشل میڈیا پر تردید کے بعد یہ افواہیں دم توڑ گئیں تھی تاہم اب سحر حیات کی جانب سے باضابطہ طور پر علیحدگی کی تصدیق کی گئی ہے۔
سوشل میڈیا پلیٹ فارم انسٹاگرام پر سوال وجواب کے سیشن کے دوران ایک مداح نے ٹک ٹاکر سے سوال کیا کہ کیا آپ آئرہ کی اب سنگل مدر ہیں؟ سمیع رشید سے آئرہ کا کوئی تعلق نہیں؟
اس پر جواباً اداکارہ نے لکھا کہ’میں اور سمیع رشید اب ساتھ نہیں ہیں لیکن آئرہ کا باپ سمیع تھا، ہے اور رہے گا، اس بات میں ایک فیصد میں کوئی فرق نہیں ہے، بیٹیاں باپ کے نام سے ہی جانی جاتی ہیں اور میں اپنی بیٹی کو ماں باپ دونوں کی عزت کرنا سکھاؤں گی‘۔
ٹک ٹاکر نے مزید لکھا کہ’جہاں تک آئرہ کے اپنے باپ سے ملنے کی بات ہے، میں نے کسی کو آئرہ سے ملنے سے نہیں روکا اور نہ ہی میرے روکنے سے کچھ رک جائے گا، قوانین میں جو طے ہے اسی کے تحت فیصلہ کیا جائےگا ، امید ہے اس پر دوبارہ بات نہیں ہوگی‘۔
DATE . Sep/26/2025
