آئی فون 17 خریدنے والوں کے لیے بری خبر

معروف ٹیکنالوجی کمپنی ایپل آئی فون کی نئی سیریز 17 لانچ کرچکا ہے لیکن اگر آپ آئی فون 17  کے نئے  فون خرید چکے  یا خریدنے میں دلچسپی رکھتے ہیں تو جان لیں کہ  آئی فون کی اس نئی سیریز میں   ایپل انٹیلی جنس(AI) فیچر میں   بگ کی اطلاعات ہیں۔

ٹیکنالوجی رپورٹس کے مطابق آئی فون  17 سیریز متعارف کیے جانے کے چند روز بعد ہی خریداروں کی جانب سے نئی سیریز کے متعارف کردہ چاروں ماڈلز میں  سافٹ وئیر بگ کی شکایات موصول  ہورہی ہیں۔

اطلاعات کے مطابق آئی فون 17 کے متعدد صارفین کو اپنے فونز میں ایپل انٹیلی جنس(Al) فیچرز ڈاؤن لوڈ کرنے میں  مشکلات کا سامنا ہے جس وجہ سے صارفین نئی سیریز کے فونز  میں AI فیچرز اور ٹولز تک رسائی حاصل کرنے سے قاصر ہیں۔

دوسری جانب خبریں سامنے آرہی ہیں کہ   فون کی اسٹوریج میں موجود AI فیچرز  کو انسٹال کیے جانے کے باوجود بھی یہ فیچرز ڈیوائس پر کام نہیں کررہے۔

رپورٹس کے مطابق  ایپل انتظامیہ اس بگ سے  واقف ہے اور جلد ہی آئی فون 17 کے صارفین کے لیے اس مسئلے کو حل کرنے پر کام کررہی ہے۔

آئی فون 17 سیریز کے  نئے 4 ماڈلز  کون سے ہیں؟

واضح رہے کہ ایپل نے رواں ماہ  آئی فون 17 سیریز کے 4 ماڈلز  آئی فون 17، آئی فون 17 ائیر، آئی فون 17 پرو اور آئی فون 17 پرو میکس متعارف کروائے ہیں، اس بار ایپل نے آئی فون پلس ماڈل کو ختم کرکے اس کی جگہ آئی فون 17 ائیر کو دی ہے۔

نئے ماڈلز میں وائرلیس میگ سیف چارجنگ کو تمام فونز کا حصہ بنایا گیا ہے جب کہ بیٹری لائف بھی بہتر بنائی گئی ہے۔

DATE . Sep/30/2025