ابوظہبی: وزیراعظم کے معاون خصوصی برائے تجارت رانا احسان افضل خان نے متحدہ عرب امارات کے وزیر برائے غیرملکی تجارت ڈاکٹر ثانی بن احمد الزیودی سے ملاقات کی۔ ملاقات میں دونوں ممالک کے درمیان تجارتی و اقتصادی تعاون کو مزید وسعت دینے پر اتفاق کیا گیا۔
رانا احسان افضل خان نے یو اے ای کی کاروباری برادری کو پاکستان میں سرمایہ کاری کے نئے مواقع تلاش کرنے کی دعوت دی اور خاص طور پر یو اے ای کی کمپنیوں کو 25 تا 27 نومبر کو ہونے والی “فوڈ ایگ 2025” نمائش میں شرکت کی خصوصی دعوت دی۔یہ نمائش وزارتِ تجارت پاکستان کے زیراہتمام منعقد ہوگی۔
رانا احسان افضل خان نے ملاقات کے دوران یو اے ای کی قیادت اور عوام کی مہمان نوازی پر شکریہ ادا کیا۔ملاقات میں پاکستان کے قونصل خانے دبئی کے ٹریڈ اینڈ انویسٹمنٹ کونسلر بھی شریک تھے۔
DATE . Oct/15/2025
