واشنگٹن :وزیر خزانہ سینیٹر اورنگزیب نے انٹرنیشنل مانیٹری فنڈ کی منیجنگ ڈائریکٹر کرسٹالینا جارجیوا سے ملاقات کی ۔مڈل ایسٹ، شمالی افریقہ، افغانستان اور پاکستان خطے کے وزراء اور گورنرز بھی ملاقات میں شریک تھے۔
وزیر خزانہ نے بطور لیڈ اسپیکر ملاقات کے شرکا سے خطاب کیا۔وزیر خزانہ نے میٹنگ کے شرکا کو پاکستان کے معاشی استحکام کے حصول کی کامیاب کوششوں سے آگاہ کیا۔وزیر خزانہ نے انٹرنیشنل مانیٹری فنڈ کے ساتھ طے پانے والے سٹاف لیول معاہدے پر اطمینان کا اظہار کیا۔
وزیر خزانہ نے ٹیکسوں، توانائی اور ریاستی ملکیتی اداروں اور نجکاری میں اصلاحات جاری رکھنے کے عزم کا اظہار کیاانہوں نے ملکی مصنوعات کی مسابقت بڑھانے اور برآمدات میں اضافے کے حوالے سے ڈیجیٹل ٹرانسفارمیشن اور ٹیرف پالیسی سے متعلقہ اقدامات کو اجاگر کیا۔
وزیر خزانہ نے سرمایہ کاروں کو معدنیات، کان کنی، ڈیجیٹل انفراسٹرکچر، زراعت، تیل و گیس اور فارماسیوٹیکلز سیکٹرز میں سرمایہ کاری کی دعوت دی۔
DATE . Oct/16/2025
