چین کی ایران کے خلاف امریکی اور اسرائیلی کارروائی روکنے پر زور چین ایران کے ساتھ دوستانہ تعلقات کو قدر کی نگاہ سے دیکھتا ہے، چینی وزیر خا رجہبیجنگ () چین کے وزیر خارجہ وانگ ای نے درخواست کے مطابق ایرانی وزیر خارجہ عباس عراقچی سے فون پر بات چیت کی۔پیر کے روز وانگ ای نے ایران کی موجودہ صورتِ حال پر چینی موقف کو دہرایا اور کہا کہ چین ایران کے ساتھ روایتی دوستانہ تعلقات کو قدر کی نگاہ سے دیکھتا ہے، ایران کی خود مختاری، سلامتی، علاقائی سالمیت اور قومی وقار کے دفاع اور ایران کے جائز اور قانونی حقوق کے تحفظ کی حمایت کرتا ہے۔وانگ ای نے کہا کہ چین نے امریکہ اور اسرائیل پر فوجی کارروائی فوری طور پر روکنے کا زور دیا ہے تاکہ صورتِ حال کو مزید کشیدہ ہونے سے بچایا جاسکے اور اس بات کو یقینی بنایا جا سکے کہ جنگ مشرق وسطیٰ کے پورے خطے میں نہ پھیلے۔ وانگ ای نے یقین ظاہر کیا کہ موجودہ شدید اور پیچیدہ صورتحال میں ایران ملک میں استحکام برقرار رکھ سکے گا، ہمسایہ ممالک کی جائز تشویش کو اہمیت دے گا، اور ایران میں موجود چینی شہریوں اور اداروں کی حفاظت کرے گا۔