دفاعی چیمپئن سپین کے کارلوس الکاراز اور امریکہ کے فرانسس تیافو فرنچ اوپن ٹینس ٹورنامنٹ کے چوتھے راؤنڈ میں پہنچ گئے۔
پیرس میں جاری ٹینس گرینڈ سلام کے تیسرے مرحلے کے میچ میں کارلوس الکاراز نے بوسنیا ہرزیگوینیا کے دامیر زمہر کو شکست دی۔ الکاراز نے زمہر کے خلاف 6-1، 6-3، 4-6 اور 6-4 سے کامیابی حاصل کی۔ چوتھے مرحلے میں الکاراز کا مقابلہ امریکہ ہی کے بین شیلٹن سے ہوگا۔
دوسری جانب امریکہ کے فرانسس تیافو نے بھی تیسرے راؤنڈ میں کامیابی حاصل کرتے ہوئے چوتھے راؤنڈ میں جگہ بنا لی۔
تیافو نے اپنے میچ میں اٹلی کے لورینزو سونیگو کو سخت مقابلے کے بعد چار سیٹس میں 6-2، 3-6، 7-6 اور 6-2 سے ہرایا۔ چوتھے راؤنڈ میں فرانسس تیافو کا مقابلہ اٹلی کے اینڈریا وواسوری سے ہوگا۔
DATE . May/31/2025
