ڈلاس :امریکا اور زمبابوے کی خواتین کرکٹ ٹیموں کے درمیان دو ایک روزہ بین الاقوامی میچوں پر مشتمل سیریز کا دوسرا اور آخری میچ ہفتے کے روز گرینڈ پریری سٹیڈیم، ڈلاس میں کھیلا جائے گا ۔امریکا کی خواتین ٹیم کو دو میچوں کی سیریز میں زمبابوے کی ویمنز ٹیم کے خلاف 0-1 کی برتری حاصل ہے۔ میزبان امریکی ویمنز ٹیم نے پہلے ون ڈے میچ میں زمبابوے کی خواتین ٹیم کو 7 وکٹوں سے شکست دی تھی ۔
اس سے قبل دونوں ٹیموں کے درمیان کھیلی گئی تین ٹی ٹونٹی میچوں کی سیریز مہمان زمبابوے کی ویمنز ٹیم نے امریکا کی ویمنز ٹیم سے 1-2 سے جیت لی تھی۔ دو ون ڈے میچوں کی سیریز کا دوسرا اور آخری ون ڈے میچ 3مئی کو کھیلا جائے گا۔دونوں ٹیموں کے درمیان ٹی ٹونٹی اور ون ڈے سیریز کے تمام میچز گرینڈ پریری سٹیڈیم، ڈلاس میں ہی کھیلے جائیں گے۔
DATE . May/3/2025
