ایران پر اسرائیلی حملہ عالمی امن کے لیے بڑا خطرہ ہے،نائب وزیراعظم

اسلام آباد:نائب وزیراعظم اسحاق ڈار نے کہا ہےکہ اسرائیل نے عالمی قوانین کے خلاف ایران پر حملہ کیا۔مسلم ملکوں کے وزراء خارجہ نے ایران پر اسرائیلی جارحیت کی سخت مذمت کی ہے۔

سینیٹ اجلاس میں اظہار خیال کر تے ہوئے نائب وزیراعظم نے کہاکہ ایران کے حوالے سے اکیس مسلم ملکوں نے مشترکہ بیان جاری کیا ہے۔مسلم ممالک ایران کی سلامتی، علاقائی خود مختاری اور آزادی کی حمایت کرتے ہیں۔ انہوں نے کہاکہ مسلم ممالک فوری طور پر جنگ بندی کا مطالبہ اور ایٹمی ہتھیاروں سے پاک مشرق وسطیٰ کی حمایت کرتے ہیں۔ مشرق وسطیٰ کے تمام ممالک ایٹمی عدم پھیلاو کے معاہدے پر دستخط کے بھی حامی ہیں۔

انہوں نے کہاکہ ایران اسرائیل جنگ سے نہ صرف خطے بلکہ عالمی امن کو بھی سخت خطرہ ہے۔ اس حوالے پاکستان سمیت مسلم ملکوں نے قراداد منظور کی ہے-

DATE . June/18/2025