اسلام آباد:ایس آئی ایف سی کے تعاون سے پاکستان کی خدمات کی برآمدات میں 6 فیصد اضافہ ہوا ہے جس سے 8 ماہ میں 5 ارب 40 کروڑ ڈالر کا زرمبادلہ حاصل ہوا ہے۔
آئی ٹی، کمپیوٹر اور ٹیلی کام خدمات کی برآمدات میں 25 فیصد اضافے سے برآمدات 2ارب 40 کروڑ ڈالر تک پہنچ گئیں،۔
آئی ٹی خدمات کی برآمدات میں مسلسل اضافہ جاری ہے، صرف فروری میں 709 ملین ڈالر کی برآمدات ریکارڈ ہوئیں، دیگر بزنس سروسز کی برآمدات 1.4 فیصد اضافے سے 1.07 ارب ڈالر حاصل ہوئے جو عالمی مارکیٹ کے اعتماد میں اضافے کی عکاسی ہے،خدمات کی برآمدات میں اضافے سے زرمبادلہ کے ذخائر میں بہتری اور کرنٹ اکاؤنٹ خسارے میں کمی کا امکان ہے۔
حکومت نے اگلے پانچ سال میں 15 ارب ڈالر کا آئی ٹی برآمداتی ہدف مقرر کیا ہے، حالیہ اضافے سے اس ہدف کے حصول کی راہ ہموار ہوگئی ہے،عالمی مارکیٹ میں پاکستانی آئی ٹی خدمات کی مانگ میں اضافہ خوش آئند ہے جس سے فری لانسرز اور سٹارٹ اپس کیلئے نئے مواقع پیدا ہور ہے ہیں۔
ایس آئی ایف سی کی معاونت سے آئی ٹی خدمات کی برآمدات میں بہتری پاکستان کی معیشت کے ڈیجیٹل مستقبل کی نوید اورمعاشی استحکام کی ضامن ہے
DATE . Apr/7/2025
