اسلام آباد: پاکستان نے حالیہ دنوں میں بھارتی ساختہ جدید ترین دفاعی نظام ایس-400 کو مؤثر انداز میں نشانہ بنایا اور اس کی تباہی کے ناقابل تردید شواہد عالمی برادری کے سامنے رکھ دیے۔ پاکستانی افواج کے مطابق یہ کارروائی محدود نہیں رہی بلکہ سسٹم کے اہم ترین اجزاء، جیسے کہ ریڈار اور کمانڈ پوسٹ، بھی مکمل طور پر تباہ کیے گئے۔بھارت کی جانب سے اس عسکری ناکامی کو چھپانے کی کوشش کے طور پر معروف بھارتی صحافی شیو اروڑ نے 2019 میں لی گئی مودی کی ایک پرانی تصویر دوبارہ سوشل میڈیا پر پوسٹ کی، جس میں وزیر اعظم نریندر مودی ایس-400 کے لانچر کے سامنے کھڑے دکھائی دے رہے ہیں۔ اس تصویر کو حالیہ کارروائیوں سے جوڑنے کی کوشش کی گئی، حالانکہ اس کا حقیقت سے کوئی تعلق نہیں۔دفاعی تجزیہ کاروں کا کہنا ہے کہ محض لانچر کے سامنے لی گئی تصویر شیئر کرنا عوام کی آنکھوں میں دھول جھونکنے کے مترادف ہے۔ اصل صورتحال یہ ہے کہ ایس-400 سسٹم ایک جامع دفاعی نظام ہے جو بارہ مختلف یونٹس پر مشتمل ہوتا ہے، اور اس کا صرف ایک جزو متاثر ہونے سے پورا نظام غیر مؤثر نہیں ہوتا۔ تاہم، پاکستان کی طرف سے جاری کردہ شواہد کے مطابق نہ صرف لانچر بلکہ پورا سسٹم اہم مقامات پر بری طرح متاثر ہوا۔ماہرین کا کہنا ہے کہ اس قسم کی تصویری چالاکیاں نہ صرف حقیقت کو چھپانے کی ناکام کوشش ہیں بلکہ یہ خود بھارت کی جنگی حکمت عملی کی کمزوریوں کو بھی ظاہر کرتی ہیں۔ مودی کی مذکورہ تصویر اب اس عسکری شکست کی علامت بن چکی ہے، جو بھارت نے معلوماتی محاذ پر کامیابی کے طور پر پیش کرنے کی ناکام کوشش کی۔
Date . May/15/2025
