ایشیائی ترقیاتی بینک (اے ڈی بی)نے پاکستان کے سیلاب متاثرین کےلیے 30 لاکھ ڈالر ہنگامی امداد کا اعلان کردیا۔
اعلامیے کے مطابق اے ڈی بی کے صدر نے فلڈ ریلیف کےلیے 3 ملین ڈالر ایمرجنسی گرانٹ دینے کا فیصلہ کیا۔
اعلامیے میں کہا گیا ہے کہ اے ڈی بی کے صدر نے لاہور کے دریائے راوی کا دورہ کیا اور سیلاب متاثرہ علاقوں کا جائزہ لیا۔
اعلامیے کے مطابق ایشیائی ترقیاتی بینک نے پاکستان میں شدید مون سون بارشوں اور سیلاب سے جانی و مالی نقصان پر افسوس کا اظہار کیا۔
خیال رہے کہ گزشتہ دنوں اقوام متحدہ نے پاکستان میں مون سون کی بارشوں اور سیلاب سے ہونے والی تباہ کاریوں پر 6 لاکھ امریکی ڈالر کی ہنگامی امداد جاری کی تھی۔
DATE . Sep/1/2025
