جنوبی افریقہ میں دشوار گزار اور ایڈونچر سے بھرپور سائیکل ریس جاری ہے۔مرد اور خواتین کیٹگریز میں مجموعی لیڈرز نے اپنی برتری برقرار رکھی۔
کیپ ٹاؤن کے قریب فیئر ویو پارل ہونے والامرحلہ 78کلومیٹر پر محیط تھا۔ریس کے دوران سائیکل سواروں کوڈھائی ہزار میٹر کی پہاڑی مسافت کا بھی سامنا کرنا پڑا۔مردوں کی ریس میں’’لوکا بیڈاٹ‘‘ اور’’سیمون ایوندیتو‘‘ کی اطالوی جوڑی نے نہ صرف پہلی پوزیشن حاصل کی بلکہ ریس لیڈرسوئٹزرلینڈ کے ’’نینوشرٹر‘‘ اور ’’فیلپوکولمبو‘‘ کی جوڑی کی برتری بھی 43سیکنڈز کم کی۔شرٹر اور کولمبو نے دوسرے نمبر پر اختتامی لائن کراس کی۔
خواتین میں ڈنمارک کی ’’انیکا۔لینگواڈ‘‘ اور ارجنٹینا کی’’سوفیا ۔گومز‘‘ کی جوڑی نے اپنی حکمرانی قائم رکھی اور لگاتار چوتھی کامیابی سمیٹی ۔لینگواڈ اور گومز نے اپنی برتری بڑھا کر اب 13منٹ 59سیکنڈز کر لی ہے۔سات مراحل پر مشتمل ماؤنٹین بائیک ریس میں 743ٹیمیں شریک ہیں اور 8روز کے دوران 603کلومیٹر کا فاصلہ طے کریں گی۔
DATE . Mar/20/2025
