جونز کریک اوپن اسکواش ایونٹ کے دوران ٹاپ سیڈ عاصم خان اور سیکنڈ سیڈ اشعب عرفان نے ٹاپ 8 تک رسائی کی/فوٹوفائلامریکا میں جاری جونز کریک اوپن اسکواش میں پاکستان کے 2 کھلاڑی کوارٹر فائنل میں پہنچ گئے۔جونز کریک اوپن اسکواش ایونٹ کے دوران ٹاپ سیڈ عاصم خان اور سیکنڈ سیڈ اشعب عرفان نے ٹاپ 8 تک رسائی کی جب کہ احسن ایاز اور حذیفہ ابراہیم کو راؤنڈ آف 16 میں شکست کا سامنا کرنا پڑا۔یہ بھی پڑھیںپاکستان کے عمیر عارف ہانگ کانگ جونیئر اسکواش چیمپئن شپ کے فائنل میں پہنچ گئےورلڈ گیمز اسکواش میں پاکستان کے نور زمان کا کامیاب آغازپاکستان کے حمزہ خان ویلینشیا اوپن اسکواش کے فائنل میں پہنچ گئےایونٹ میں عاصم خان نے مصر کے کریم بداوی کو 1-3 سے شکست دی اور 45 منٹ میں 11-3، 11-6، 5-11 اور 11-8 سے کامیابی حاصل کی۔دوسری جانب اشعب عرفان نے امریکا کے کرسٹوفر گورڈن کو 20 منٹ میں 0-3سے شکست دی، اشعب کی جیت کا اسکور 11-2، 11-4 اور 11-4 رہا۔ایونٹ میں 7 سیڈ احسن ایاز کو مصر کے عمر الکتان نے 58 منٹ کے سنسنی خیز مقابلے میں تین دو ہرایا جب کہ حذیفہ ابراہیم کو برازیل کے تھرڈ سیڈ ڈیاگو گوبی نے 1-3 سے شکست دی۔
Date .aug/16/2025
