اسلام آباد-“رب ذوالجلال کا احسان- پاکستان” کی پروقار تقریب آ ج جناح کنونشن سنٹر اسلام آباد میں منعقد ہو گی۔
ذرائع کے مطابق تقریب کا انعقاد جمعتہ الوداع بالخصوص رمضان المبارک کی27ویں شب کی مناسبت سے کیا جا رہاہے، پاکستان کا قیام لیلتہ القدر، جمعتہ الوداع، ماہ رمضان المبارک 1366ھ بمطابق 14 اگست 1947 کو وجود میں آیا،تقریب میں اس دن کی خصوصی اہمیت کو بھرپور انداز میں اُجاگر کیا جائے گا۔
ذرائع کا کہنا ہے کہ وزیر اعظم محمد شہباز شریف تقریب کے مہمان خصوصی ہوں گے، تقریب میں پاکستان بھر سے تمام مکاتب فکر سے تعلق رکھنے والے لوگ شرکت کریں گے۔
وفاقی دارلحکومت اسلام آباد سمیت تمام صوبوں میں ملک کی سلامتی کیلئے خصوصی دعاؤں کا اہتمام بھی کیا جائے گا، فیصل مسجد اسلام آبادمیں27 رمضان المبارک بعد از نمازِ تراویح مرکزی دعائیہ تقریب بھی ہو گی۔
DATE . Mar/28/2025
