دبئی۔5دسمبر (اے پی پی):ڈی پی ورلڈ انٹرنیشنل لیگ سیزن تھری میں متحدہ عرب امارات کے کھلاڑیوں کے لئےچنائودبئی میں منعقد ہوا۔رواں سال ٹورنامنٹ میں شریک 6 ٹیموں نے 12 کھلاڑیوں کا انتخاب جس میں 9 کا تعلق پاکستان سے ہے۔
ابوظہبی نائٹ رائیڈرز نے شاہد اقبال بھٹہ اور ابرار احمد کو چنا ہے ۔ شاہد اقبال بھٹہ اور ابرار احمد نے ڈی پی ورلڈ آئی ایل ٹی 20 ڈیویلپمنٹ ٹورنامنٹ 2024 میں بھی متاثر کن کارکردگی کا مظاہرہ کیا تھا، شاہد اقبال بھٹہ نے آئی ایل ٹی 20 کی 7 اننگز میں 6 وکٹیں حاصل کیں جبکہ ابرار احمد نے دبئی کیپیٹلز ڈیویلپمنٹ کی جانب سے صرف 4 میچوں میں 6 وکٹیں حاصل کیں۔خزیمہ بن تنویر ڈیزرٹ وائپرز ڈیویلپمنٹ کا حصہ تھے وہ وائپرزسکواڈ کا حصہ بن گئے ہیں ۔
دبئی کیپیٹلز نے فرحان خان اور ذیشان نصیر کو ڈیویلپمنٹ ٹورنامنٹ میں بالترتیب 8 اور 10 وکٹوں کے ساتھ بہترین کارکردگی کی بنیاد پر منتخب کیا ہے۔ سیزن 1 کی چیمپئن گلف جائنٹس نے گلف جائنٹس ڈویلپمنٹ کے لئے شاندار کارکردگی کے بعد محمد صغیر خان اور ڈی پی ورلڈ آئی ایل ٹی 20 ڈیویلپمنٹ ٹورنامنٹ 2024 میں آئی ایل ٹی 20 پرلز کے لئے 16 وکٹیں حاصل کرنے والے محمد عزیر خان کو اپنے ٹیم کا حصہ بنایا ہے۔
دفاعی چیمپئن ایم آئی ایمریٹس نے ڈی پی ورلڈ آئی ایل ٹی 20 ڈیویلپمنٹ ٹورنامنٹ 2024 میں آئی ایل ٹی 20 پرلز کے ساتھ کام کرنے کے بعد متحدہ عرب امارات کے تجربہ کار فاسٹ بائولر ظہور خان کو دوبارہ منتخب کیا ہے جس میں انہوں نے اتنے ہی میچوں میں 5وکٹیں حاصل کیں۔ متحدہ عرب امارات کے سابق کپتان روہان مصطفی شارجہ واریئرز کی نمائندگی کریں گے۔ روہان مصطفی ڈی پی ورلڈ آئی ایل ٹی 20 ڈیویلپمنٹ ٹورنامنٹ 2024 میں آئی ایل ٹی 20 پرلز کے لئے اپنی مضبوط فارم کو برقرار رکھنے کی کوشش کریں گے جس میں انہوں نے 7اننگز میں 149 رنز بنائے تھے۔
DATE . DEC / 6 / 2024
