نئی دہلی: معرکہِ بنیان مرصوص کے تناظر میں، ایک سابق بھارتی فوجی کے پہلگام فالس فلیگ آپریشن سے متعلق ناقابلِ تردید انکشافات منظر عام پر آئے ہیں، جس نے بھارتی وزیر اعظم نریندر مودی پر شدید تنقید کے وار کیے ہیں۔
ایک سابق بھارتی فوجی اہلکار، جس نے 18 سال بھارتی فوج میں خدمات انجام دیں اور پہلگام میں بھی تعینات رہا، نے مودی کے فالس فلیگ ڈراموں سے پردہ اٹھاتے ہوئے اہم انکشافات کیے ہیں۔ سابق فوجی نے بتایا کہ پہلگام میں آرمی، سینٹرل ریزرو پولیس فورس (CRPF) اور بارڈر سیکیورٹی فورس (BSF) کی تین سخت چیک پوسٹیں ہوتی تھیں اور مکمل تفتیش کے بغیر کسی کا بھی داخلہ ناممکن تھا۔ یہاں تک کہ فوجی اہلکار بھی تلاشی کے بغیر داخل نہیں ہو سکتے تھے، جس سے سیکیورٹی فول پروف تھی۔
سابق بھارتی فوجی نے انکشاف کیا کہ بھارتی وزیر داخلہ امیت شاہ نے ایک ہفتہ قبل اچانک دورہ کیا اور تمام چیک پوسٹیں ختم کرنے کا حکم دیا۔ محض ایک ہفتے بعد پہلگام میں حملہ ہو گیا، جس پر سابق فوجی نے سوال اٹھایا کہ کیا یہ محض اتفاق ہے؟
سابق بھارتی فوجی نے کہا کہ مقبوضہ کشمیر میں تمام دہشت گردی کی پشت پناہی مودی اور امیت شاہ کرتے ہیں۔ انہوں نے مودی، امیت شاہ اور آر ایس ایس (راشٹریہ سویم سیوک سنگھ) کو پہلگام جیسے جعلی حملوں کا اصل ماسٹر مائنڈ قرار دیا۔
دفاعی ماہرین نے سابق بھارتی فوجی کے ان انکشافات کو مودی کے فالس فلیگ نیٹ ورک کا بھانڈا پھوڑنے والا قرار دیا ہے۔ ان کا کہنا ہے کہ مودی سرکار انتخابی فائدے کے لیے ملک کو خون میں نہلانے سے بھی گریز نہیں کرتی۔
DATE . May/16/2025
