گال: سری لنکا اور بنگلہ دیش کے درمیان گال انٹرنیشنل اسٹیڈیم میں کھیلا گیا سیریز کا پہلا ٹیسٹ میچ بغیر کسی نتیجے کے ختم ہو گیا۔ میچ کے آخری دن بنگلہ دیش نے اپنی دوسری اننگز 285 رنز پر 6 کھلاڑی آؤٹ پر ڈکلیئر کر دی، جس کے بعد سری لنکا کو فتح کے لیے 296 رنز کا ہدف ملا کیونکہ وہ پہلی اننگز میں 10 رنز کی برتری حاصل کر چکا تھا۔
بنگلہ دیش کے کپتان نجم الحسن شانتو نے دوسری اننگز میں شاندار کارکردگی کا مظاہرہ کرتے ہوئے ناقابل شکست 125 رنز کی سنچری اسکور کی۔ مشفق الرحیم نے 49 رنز بنا کر رن آؤٹ ہوئے۔ سری لنکا کے تھارندو رتھانائیکے نے تین وکٹیں حاصل کیں۔
ہدف کے تعاقب میں سری لنکا نے دن کے اختتام تک 4 وکٹوں کے نقصان پر 72 رنز بنائے اور میچ ڈرا ہو گیا۔ بنگلہ دیش کے اسپنر تیج الاسلام نے تین وکٹیں حاصل کیں۔ نجم الحسن شانتو کو دونوں اننگز میں سنچریاں بنانے پر مرد میدان قرار دیا گیا۔
DATE . June/22/2025
