اسلام آباد-سوشل میڈیا پر منفی پروپیگنڈا کرنے کے الزام میں جے آئی ٹی نے علیمہ خان سمیت 17 افراد کو دوبارہ طلب کرلیا۔
ذررائع کے مطابق جے آئی ٹی نے تمام افراد کو کل (21مارچ) کو پیش ہونے کا حکم دیا ہے۔
جن افراد کو نوٹس جاری کئے گئے ہیں ان میں سید فردوس شمیم نقوی، محمد خالد خورشید خان، میاں محمد اسلم اقبال، محمد حماد اظہراورعون عباس شامل ہیں،محمد شہباز شبیر،وقاص اکرم، تیمور سلیم خان، صبغت اللہ ورک، اظہر مشوانی اور محمد نعمان افضل کو بھی طلبی کے نوٹس جاری کئے گئے ہیں،جبران الیاس، سلمان رضا، زلفی بخاری، موسیٰ ورک اور علی ملک کو بھی پیش ہونے کی ہدایت کی گئی ہے،علیمہ خان 19 مارچ کو بھی جے آئی ٹی کے سامنے پیش ہوچکی ہیں۔
ذرائع کے مطابق جے آئی ٹی ان افراد سے سوشل میڈیا پر منفی پروپیگنڈا کے حوالے سے تحقیقات کر رہی ہے،جے آئی ٹی الیکٹرانک جرائم کی روک تھام کے ایکٹ 2016ء کے سیکشن کے تحت تشکیل دی گئی ہے، وفاقی حکومت کی قائم کردہ جے آئی ٹی کی سربراہی اسلام آباد پولیس کے آئی جی کر رہے ہیں۔
DATE . Mar/20/2025
