اسلام آباد-وفاقی سیکریٹری اطلاعات عنبرین جان اور پی آئی او مبشر حسن نے اظہر جتوئی کو صدر، نیئر علی کو سیکریٹری اور وقار عباسی کو سیکریٹری خزانہ منتخب ہونے پر مبارکباد دی ہے،انہوں نے دیگر عہدیداران کو بھی مبارکباد پیش کی ہے۔
وفاقی سیکریٹری اطلاعات نے کہا ہے کہ نیشنل پریس کلب پاکستان میں صحافتی برادری کے لئے ایک موثر پلیٹ فارم ہے جو آزادی صحافت اور صحافیوں کے حقوق کے لئے مسلسل کوشاں ہے،ہم امید کرتے ہیں کہ نومنتخب قیادت اپنی صلاحیتوں کو بروئے کار لاتے ہوئے صحافیوں کی فلاح و بہبود اور میڈیا کی ترقی کے لئے موثر اقدامات اٹھائے گی۔
پرنسپل انفارمیشن آفیسرنے کہا ہے کہ جدید دور کے چیلنجز کے پیش نظر آزاد، ذمہ دار اور حقائق پر مبنی صحافت کا فروغ وقت کی ضرورت ہے، ہمیں یقین ہے کہ نیشنل پریس کلب اس حوالے سے اپنی شاندار روایات کو برقرار رکھے گا۔
سیکرٹری اطلاعات اور پی آئی او کا کہنا ہے کہ وزارت اطلاعات و نشریات نیشنل پریس کلب اور صحافتی برادری کے ساتھ ہر ممکن تعاون جاری رکھنے کے لئے پرعزم ہے۔
DATE . Mar/19/2025
