شی جن پھنگ اور ولادیمیر پوٹن کا چین اور روس کے درمیان سفارتی تعلقات کے قیام کی 75ویں سالگرہ کے موقع پر مبارکباد کے پیغامات کا تبادلہ

دو اکتوبر کو چین کے صدر  شی جن پھنگ اور روس کے صدر ولادیمیر پوٹن نے دونوں ممالک کے درمیان سفارتی تعلقات کے قیام کی 75 ویں سالگرہ کو گرم جوشی سے منانے کے لیے مبارکباد کے پیغامات کا تبادلہ کیا۔ 

شی جن پھنگ نے  کہا کہ 75 سال قبل سفارتی تعلقات کے قیام کے بعد سے دونوں فریقوں نے چین اور روس کے درمیان مستقل اچھے پڑوسی دوستی، جامع تزویراتی ہم آہنگی اور باہمی طور پر فائدہ مند تعاون کو فروغ دیا ہے۔ فریقین کے درمیان تعلقات قریب سے قریب تر ہو رہے ہیں۔ خاص طور پر نئے دور  میں  دونوں فریقوں کے درمیان سیاسی باہمی اعتماد مسلسل گہرا ہوتا جا رہا ہے، اور عملی تعاون نے شاندار نتائج حاصل کیے ہیں۔ شی جن پھنگ نے اس بات پر زور دیا کہ وہ چین اور روس کے تعلقات کی ترقی کو بہت اہمیت دیتے ہیں اور دونوں ممالک کے درمیان سفارتی تعلقات کے قیام کی 75ویں سالگرہ کے موقع پر فریقین کے درمیان ہمہ جہتی عملی تعاون   کو مسلسل وسعت دینے کے خواہاں ہیں تاکہ  عالمی امن اور استحکام کو برقرار رکھنے اور بنی نوع انسان کے ہم نصیب معاشرے  کی تعمیر کو فروغ دینے کے لیے نئی شراکتیں تشکیل پا سکیں۔

پوٹن نے کہا کہ روس اور چین کے درمیان قریبی اور باہمی فائدہ مند تعلقات نے کامیابی سے وقت کی آزمائش کا مقابلہ کیا ہے۔ اس وقت روس اور چین کے تعلقات تاریخ کی بلند ترین سطح پر ہیں۔ فریقین دونوں صدور کے مابین طے پانے والے اتفاق رائے کے سلسلے کو مکمل طور پر نافذ کریں گے،   نئے دور  میں  روس اور چین کی جامع اسٹریٹجک شراکت داری کو مزید مستحکم کریں گے، اور یوریشیا اور دنیا میں سلامتی اور استحکام کو فروغ دیں گے۔

DATE . July/3/2025