ریاض۔12دسمبر (اے پی پی):سعودی ولی عہد شہزادہ محمد بن سلمان نے فیفا ورلڈ کپ2034 کی باقاعدہ میزبانی ملنے پر خادم حرمین شریفین شاہ سلمان بن عبدالعزیز کو مبارک باد پیش کی ہے۔ایس پی اے کے مطابق سعودی عرب کو فیفا ورلڈ کپ 2034 کی میزبانی کا تاریخی اعلان کیا گیا۔ورلڈ کپ کی میزبانی کے لیے عرب ممالک میں سعودی عرب پہلا ملک ہے جسے مختلف براعظموں سے 48 ٹیموں کے ایونٹ کی میزبانی کا موقع ملا ہے۔
سعودی عرب کی جانب سے 29 جولائی 2023 کو باقاعدہ طورپر فیفا 2034 کی میزبانی کے لیے فائل جمع کرائی تھی۔نامزدگی فائل میں فیفا فینزفیسٹول کے لیے ہونے والی سرگرمیوں کے حوالے سے 10 مقامات کا تعین کیا گیا تھا جن میں شاہ سلمان پارک جو کہ ایک لاکھ مربع میٹر پر محیط ہے کے علاوہ جدہ کورنیش کا علاقہ شامل تھا۔
– Advertisement –
DATE .DEC /13 /2024
