بنگلا دیش کرکٹ بورڈ نےعمرگل کے بعد سابق پاکستانی آف سپنرارشد خان کوزمبابوے کیخلاف ہوم ٹیسٹ سیریز کیلئے اسپن بولنگ کوچ مقررکیا ہے، جو 20 اپریل کو سلہٹ میں شروع ہو رہی ہے۔
پاکستانی کرکٹرارشد خان نے 1997 سے 2006 کے دوران 9 ٹیسٹ اور58 ایک روزہ میچز کھیلے وہ پاکستان خواتین کرکٹ ٹیم کے بھی کوچ رہ چکے ہیں۔
پی ایس ایل 10، افتتاحی تقریب کی میزبانی راولپنڈی کرکٹ سٹیڈیم کے سپرد
ارشد خان کا بنگلا دیش کرکٹ بورڈ سے ابتدائی معاہدہ تین ماہ کا ہے لیکن پاکستان میں ٹی20 سیریز کے بعد دونوں فریقین کی رضا مندی کی صورت میں معاہدے میں 2027 ورلڈ کپ تک توسیع کا امکان ہے۔
اس سے قبل بی سی بی نے سابق فاسٹ بولرعمرگل کو تین ماہ کیلئے فاسٹ بولنگ کوچ مقرر کیا تھا وہ بنگلا دیش کے آئندہ پانچ ٹی 20 میچز کیلئے دورہ پاکستان میں ذمہ داریاں سنبھالیں گے۔
ان کے علاوہ بنگلا دیش کرکٹ بورڈ نے جیمز پامٹ کو ورلڈ کپ 2027 تک فیلڈنگ کوچ تعینات کیا ہے، 56 سالہ جیمز2018 سے 2023 تک آئی پی ایل میں ممبئی انڈینز کے اسسٹنٹ کوچ رہ چکے ہیں۔
DATE . Apr/10/2025
