نے ملاقات کی۔ ملاقات میں عوامی فلاح کے منصوبوں، امن و امان کی صورتحال، سڑکوں کی بحالی، ستھرا پنجاب پروگرام، صحت اور ٹرانسپورٹ کے شعبوں میں جاری اصلاحات پر تفصیلی بات چیت ہوئی۔
ساہیوال ڈویژن کے ارکان اسمبلی نے پنجاب بھر میں 20 ہزار کلومیٹر طویل سڑکوں کی بحالی کے منصوبے پر وزیراعلیٰ مریم نواز شریف کو خراجِ تحسین پیش کیا۔ ارکان نے جدید کیتھ لیب کے قیام اور الیکٹرو بسز کے اجراء پر بھی وزیراعلیٰ کی عوام دوست قیادت کو سراہا۔
وزیراعلیٰ مریم نواز شریف نے گفتگو کے دوران کہا کہ عوامی خدمت، تیز رفتار ترقی اور شفاف گورننس ہی مسلم لیگ (ن) کا اصل ایجنڈا ہے۔ انہوں نے کہا کہ پنجاب میں جرائم کی شرح میں نمایاں کمی آئی ہے اور شہروں و دیہات کا امن بحال ہوا ہے۔ ان کا کہنا تھا کہ اضلاع میں پبلک ٹرانسپورٹ اور سڑکوں کی بحالی صرف انفراسٹرکچر کی بہتری نہیں بلکہ روزگار اور خوشحالی کے نئے مواقع پیدا کرنے کا ذریعہ بھی ہے۔
وزیراعلیٰ نے مزید کہا کہ ’ستھرا پنجاب‘ پروگرام صرف صفائی کا منصوبہ نہیں بلکہ ایک نیا سماجی کلچر متعارف کرا رہا ہے۔ ساہیوال ڈویژن کے ارکان اسمبلی نے وزیراعلیٰ مریم نواز کی قیادت کو خراجِ تحسین پیش کرتے ہوئے کہا کہ ان کی رہنمائی میں پنجاب آج پُرامن، صاف اور تیزی سے ترقی کرتا صوبہ بن چکا ہے۔
اراکین کا کہنا تھا کہ صوبے میں ترقیاتی منصوبوں کی رفتار نئی بلندیوں کو چھو رہی ہے۔ کیتھ لیبز اور الیکٹرو بس سروس جیسے عوام دوست منصوبے مریم نواز شریف کی وژنری قیادت کی روشن مثال ہیں، جن سے ہر طبقہ مستفید ہو رہا ہے۔
DATE . Nov/1/2025
