غزہ میں فلسطینیوں کی صورتحال بیان سے باہر ہے ،انتونیو گوتریس

نیویارک:اقوام متحدہ کے سیکریٹری جنرل انتونیو گوتریس نے غزہ میں اسرائیل کے وحشیانہ حملوں میں اضافے تشویش کااظہار کیا ہے۔ اپنے بیان میں اقوام متحدہ کے سیکریٹری جنرل انتونیو گوتریس نے غزہ میں فلسطینیوں کی صورتحال کو بیان سے باہر اور غیر انسانی قرار دے دیا۔

انہوں نے کہا ہے کہ محاصرے اور فاقہ کشی کی پالیسی بین الاقوامی قانون کا تمسخر اڑاتی ہے، امداد کی ناکہ بندی فوری ختم کی جائے۔سیکریٹری جنرل نے غزہ میں اسرائیل کے وحشیانہ حملوں میں اضافے پر بھی تشویش کااظہار کیا ہے۔
ان کا کہنا تھا کہ اقوامِ متحدہ بین الاقوامی قانون، انسانی اصولوں کی پاسداری، غیر جانب داری اور انسانیت کے خلاف کسی منصوبے میں شامل نہیں۔

انتونیو گوتریس نے کہا ہے کہ غزہ میں اقوامِ متحدہ کی امدادی ایجنسی اُنروا کے کام کی مکمل حمایت کرتا ہوں۔ سیکریٹری جنرل اقوامِ متحدہ نے مزیدکہاکہ غزہ کے لوگوں کی بار بار جبری نقل مکانی اور غزہ سے باہر بے دخلی کو مسترد کرتا ہوں۔

DATE . May/18/2025