قومی سلامتی کی پارلیمانی کمیٹی کا ان کیمرہ اجلاس کل طلب

اسلام آباد-سپیکر قومی اسمبلی سردار ایاز صادق نے وزیراعظم محمد شہبازشریف کی ایڈوائس پر قومی سلامتی کی پارلیمانی کمیٹی کا ان کیمرہ اجلاس طلب کرلیا۔
ترجمان قومی اسمبلی کے مطابق قومی سلامتی کی پارلیمانی کمیٹی کا اجلاس کل سہ پہر 1:30 بجے قومی اسمبلی ہال میں منعقد ہو گا،اجلاس کی صدارت سپیکر قومی اسمبلی سردار ایاز صادق کریں گے۔
قومی سلامتی کے اجلاس میں سکیورٹی صورتحال پر بریفنگ دی جائے گی، اجلاس میں عسکری قیادت پارلیمانی کمیٹی کو موجوہ سکیورٹی صورتحال سے آگاہ کرے گی۔
اجلاس میں پارلیمان میں موجود تمام سیاسی جماعتوں کے پارلیمانی لیڈران اور ان کے نامزد نمائندگان شرکت کریں گے، کابینہ کے اراکین بھی قومی سلامتی کے اجلاس میں شریک ہوں گے۔

DATE . Mar/17/2025