نئی دہلی- مودی حکومت کی جانب سے پیش کردہ متنازع وقف ترمیمی بل نے بھارت میں مسلمانوں کے اندر شدید بے چینی پیدا کر دی ہے، مسلمانوں کا کہنا ہے کہ اس بل کی آڑ میں اُن کی جائیدادوں پر قبضہ کرنے کی سازش کی جا رہی ہے۔
مسلمان رہنماؤں نے کہاہے کہ مودی حکومت نے اپنے دس سال سے زائد دور اقتدار میں مسلمانوں کی زندگیوں کو اجیرن بنانے میں کوئی کسر نہیں چھوڑی، وقف بورڈ کے نام پر مسلمانوں کی زمینوں کو متنازع قرار دینا بی جے پی کی اقلیت دشمنی کا واضح ثبوت ہے۔
مسلمانوں نے یہ بھی کہا ہے کہ بی جے پی حکومت کی سرپرستی میں ان کی مذہبی شناخت اور املاک کو مٹانے کی منظم کوشش کی جا رہی ہے،سڑکوں پر اپنے جائز حقوق کے لیے احتجاج کرنے والے مسلمانوں کو مجرم قرار دیا جا رہا ہے جبکہ اصل مجرم سرکار کی خاموشی ہے،مسلمانوں کے حقوق کی پامالی بھارت کو خانہ جنگی کی طرف لے جا رہی ہے۔
وقف بل کے نام پر ان کی جائیدادوں سے محروم کرنا یہ ثابت کرتا ہے کہ بھارت مسلمانوں کے لیے غیر محفوظ ملک ہے۔
DATE . Apr/13/2025
