نیویارک- نیویارک ٹائمز کی ایک تازہ رپورٹ نے بھارتی حکومت کے جنگی جنون اور فسطایت کو بے نقاب کرتے ہوئے انکشاف کیا ہے کہ بھارت روس کو ممنوعہ ٹیکنالوجی اور اسلحہ سپلائرکررہا ہے۔
رپورٹ کے مطابق برطانوی ایرو اسپیس کمپنی ایچ آر اسمتھ گروپ کی”ٹیک ٹیسٹ” کمپنی نے بھارت کو 2 ملین ڈالر کی حساس ٹیکنالوجی فروخت کی، جو بعد ازاں روس کو منتقل کی گئی۔
رپورٹ میں کہا گیا ہے کہ ایچ آر اسمتھ گروپ کی “ٹیک ٹیسٹ” کمپنی نے 2023-24 کے دوران بھارت کو 70 سے زائد انتہائی حساس ‘ٹائر 2’ ممنوعہ ٹیکنالوجی فراہم کی، جن میں نیویگیشن، ایرو اسپیس، ریڈار، اور جدید سیمی کنڈکٹرز شامل ہیں۔
ٹیک ٹیسٹ کمپنی نے 2023-24 میں 118 بار بھارتی کمپنی ہندوستان ایرو ناٹکس کو ممنوعہ ٹیکنالوجی کی کھیپ بھیجیں،کمپنی نے نے 13 بار ممنوعہ ٹیکنالوجی و پرزے روسی اسلحہ ایجنسی روسوبورون ایکسپورٹ کو فروخت کیے،جو امریکی اور برطانوی پابندیوں کے تحت ہے۔
رپورٹ میں بتایا گیا ہے کہ ستمبر 2023 میں ہندوستان ایرو ناٹکس نے خریدے گئےحساس پرزے محظ 19 دن بعد ہی روسی اسلحہ ایجنسی کو بیچے، فروری 2024 میں بھارت سے فروخت شدہ ٹیکنالوجی محظ 18 دن میں روس بھیجی گئی۔
رپورٹ میں ہندوستان ایرو ناٹکس، روسوبورون ایکسپورٹ کا سب سے بڑا تجارتی شراکت دار قرار دیا گیا ہے،برطانیہ کی نیشنل کرائم ایجنسی نے 2023 میں ‘ریڈ الرٹ’، حساس آلات کی روس منتقلی پر کاروباری اداروں کو بھی انتباہ کیا تھا،ہندوستان ایرو ناٹکس، امریکی حکومتی ڈیٹا بیس میں روسی فوجی سپلائر کے طور پر درج ہے،
رپورٹ کے مطابق، روسی جنگی مشینری کے لیے حساس ٹیکنالوجی کی فراہمی مغربی پابندیوں کی کھلی خلاف ورزی ہے، جو عالمی امن اور سلامتی کے لیے سنگین خطرہ بن سکتی ہے۔
DATE . Apr/3/2025
