مکہ مکرمہ ۔15جنوری (اے پی پی):سعودی عرب کی رائل کمیشن اتھارٹی برائے مکہ مکرمہ اور مشاعر مقدسہ نے کہا ہے کہ ماحول دوست’’مکہ مکرمہ ٹیکسی‘‘سروس کا آغاز مرحلہ وارکیا گیا ہے جو ہفتے کے ساتوں دن اور 24 گھنٹے دستیاب ہو گی۔
ایس پی اے نے اتھارٹی کے حوالے سے بتایا کہ مکہ مکرمہ کے 47 مقامات جن میں مسجد الحرام کے اطراف کا مرکزی علاقہ اور دیگر اہم پوائنٹس شامل ہیں ، میں یہ ٹرانسپورٹ سروس پہلے مرحلے میں شروع کی جارہی ہے،ٹیکسی کے کنٹریکٹرز کے پاس ان مخصوص گاڑیوں کا بڑا بیڑا موجود ہے جن کی ٹرانسپورٹ جنرل اتھارٹی کی جانب سے ٹرانسپورٹیشن کے حوالےسے معیاری خدمات کی فراہمی کےلیے منظوری جاری کی گئی ہے۔
انہوں نے کہا کہ مسافروں کو ادائیگی کے لیے متعدد آپشن دیے گئے ہیں جن میں نقد اور کریڈیٹ کارڈز کے ذریعے ادائیگی کی سہولت شامل ہے،گاڑیوں میں موجود ڈیجیٹل میٹرز کے علاوہ مسافر اور ڈرائیوروں کے تحفظ کا سسٹم بھی موجود ہے جس میں نگرانی کے لئےسی سی کیمرے گاڑی کے اندر نصب ہیں ،ہنگامی حالت میں فوری رابطے کاسسٹم بھی موجود ہے۔
DATE . JAN/15/2025
