چٹوگرام:بنگلہ دیش کی کرکٹ ٹیم کے مایہ ناز مڈل آرڈر بلے باز مہدی حسن مرزا نے زمبابوے کے خلاف شاندار بیٹنگ کا مظاہرہ کرتے ہوئے ٹیسٹ کیریئر کی دوسری سنچری جڑ دی۔بدھ کو بیر سریشتھو فلائٹ لیفٹیننٹ مطیع الرحمان سٹیڈیم میں کھیلے گئے دو میچوں کی سیریز کے دوسرے اور آخری ٹیسٹ میچ میں بنگلہ دیش کی کرکٹ ٹیم کے مایہ ناز بلے باز مہدی حسن مرزا نے پہلی اننگز ز کے دوران زمبابوے کی ٹیم کے بائولر ز کی خوب دھلائی کرتے ہوئے اپنے ٹیسٹ کیریئر کی دوسری سنچری سکور کی ۔ ان کی اس پرفارمنس کی بدولت بنگلہ دیش کی ٹیم کی میچ میں پوزیشن مستحکم ہو گئی ۔مہدی حسن مرزا نے 162گیندوں کا سامنا کرتے ہوئے ایک چھکے اور 11چوکوں کی مدد سے انفرادی 104رنز بنائے۔۔ مہدی حسن مرزا کو 104کے انفرادی سکور پر ونسنٹ ماسیکیسا نے تفادزواٹسیگا کے ہاتھوں کیچ آئوٹ کیا۔
Date . May/2/2025
