کوالالمپور:نائب وزیراعظم و وزیر خارجہ سینیٹر محمد اسحاق ڈار نے سری لنکا کے وزیر خارجہ وجیتھا ہیراتھ سے ملاقات کی۔جس میں مختلف شعبوں میں دوطرفہ تعلقات سمیت متعدد علاقائی اور عالمی امور پر تبادلہ خیال کیاگیا۔
ترجمان دفترخارجہ کے مطابق کوالالمپور میں 32ویں آسیان علاقائی فورم کی وزارتی میٹنگ کے موقع ہونے والی ملاقات میں دونوں وزراء نے پاکستان سری لنکا تعلقات کی مضبوطی پر اطمینان کا اظہار کیا۔
انہوں نے مختلف شعبوں میں دوطرفہ تعلقات بالخصوص اعلیٰ سطح کے تبادلوں، اقتصادی تعلقات کومربوط بنانے ، مذہبی سیاحت اور تعلیمی تعاون پر تبادلہ خیال کیا۔ علاوہ ازیں خطے کی حالیہ پیش رفت سمیت متعدد علاقائی اور عالمی امور پر بھی بات چیت کی گئی ۔
DATE . July/11/2025
