وزیراعظم اور آرمی چیف کا سی ایم ایچ راولپنڈی کا دورہ، زخمی جوانوں کی عیادت

راولپنڈی:وزیراعظم نے آرمی چیف جنرل سید عاصم منیر، نشان امتیاز (ملٹری) کے ہمراہ کمبائنڈ ملٹری ہسپتال، راولپنڈی کا دورہ کیا۔ وزیراعظم نے معرکہ حق، آپریشن بنیان مرصوص میں زخمی جوانوں اور شہریوں کی خیریت دریافت کی۔

وزیراعظم پاکستان نے زخمی جوانوں کی معرکہ حق کے دوران بے مثال بہادری، عزم اور فرض شناسی کو سراہا۔ وزیراعظم پاکستان نے کہا کہ جس طرح افواج پاکستان اور پوری قوم نے یہ جنگ لڑی، اس کی مثال کہیں نہیں ملتی۔ انہوں نے مزید کہا کہ عوام کی ثابت قدمی ملک کی عسکری تاریخ کا ایک فیصلہ کن باب بن چکی ہے

DATE . May/17/2025