تاجکستان میں تعینات پاکستان کے سفیر سعید سرور نے پی ٹی وی سے خصوصی گفتگو کرتے ہوئے کہا ہے کہ وزیراعظم محمد شہباز شریف کا دورہ تاجکستان غیر معمولی اہمیت رکھتا ہے۔
انہوں نے بتایا کہ وزیراعظم دوشنبے میں گلیشیئرز سے متعلق ایک بین الاقوامی کانفرنس میں شرکت کریں گے جہاں وہ پاکستان کا مؤقف بھرپور انداز میں عالمی برادری کے سامنے پیش کریں گے۔
سعید سرور کے مطابق، وزیراعظم شہباز شریف اس دورے کے دوران تاجکستان کی اعلیٰ قیادت سے بھی اہم ملاقاتیں کریں گے، جن میں دوطرفہ تعلقات، ماحولیاتی تبدیلی، علاقائی تعاون اور دیگر امور زیرِ بحث آئیں گے۔
سفیر نے امید ظاہر کی کہ یہ دورہ پاکستان اور تاجکستان کے درمیان تعلقات کو مزید مستحکم بنانے میں مددگار ثابت ہوگا، خاص طور پر ماحولیاتی شعبے میں مشترکہ کاوشوں کو فروغ دینے میں۔
DATE . May/30/2025
