وزیراعظم کا مہنگائی کی شرح میں مزید کمی پر اطمینان کا اظہار

اسلام آباد:وزیراعظم نے مہنگائی کی شرح میں مزید کمی پر اطمینان کا اظہار کیا ہے۔
وزیراعظم نے کہا ہے کہ مارچ 2025 میں مہنگائی کی شرح 0.7 فیصد ریکارڈ ہوئی،گزشتہ سال اسی ماہ میں یہ شرح 20.7 فیصد تھی،اس وقت ملک میں مہنگائی کی شرح 6 دہائیوں کی کم ترین سطح پر ہے۔
کا کہنا ہے کہ رواں سال ماہ رمضان کے دوران بھی شرح مہنگائی گزشتہ کئی دہائیوں کی کم ترین ریکارڈ کی گئی،مہنگائی کی شرح میں واضح کمی حکومتی پالیسیوں کی درست سمت اور حکومت کی عوامی فلاح و بہبود کے لیے انتھک محنت کا ثبوت ہے۔
وزیراعظم نے کہا ہے کہ مہنگائی کی شرح میں کمی سے عام آدمی کی زندگی پر مثبت اثرات سامنے آرہے ہیں، مہنگائی میں کمی سے بتدریج ملکی معیشت پر بھی مثبت اثرات مرتب ہورہے ہیں۔
انہوں نے کہا ہے کہ ملک ترقی کی راہ پر گامزن ہو چکا ہے، حکومت عوامی فلاح و بہبود کے لیے دن رات محنت کر رہی ہے۔

DATE . Apr/4/2025