لاہور- وزیراعلیٰ پنجاب کا پبلک سکول آر گنائزیشن پروگرام کامیابی سے جاری ہے، سرکاری سکولوں کا انتظام اعلیٰ تعلیم یافتہ نوجوانوں کے سپرد کرنے کے ثمرات سامنے آنے لگے۔
5863 سکولوں میں طلبہ کی تعداد میں 52 فیصد جبکہ ٹیچرزکی تعداد میں 89 فیصداضافہ ہوا ہے، سکول ری آرگنائزیشن پروگرام کے بعد طلبہ کی تعداد 2لاکھ 42ہزار سے بڑھ کر تین لاکھ 68ہزار سے زائد ہوگئی،اسی طحر پہلے ٹیچرز کی تعداد 8037 سے بڑھ کر 15114ہوگئی۔
نجی انتظام میں سرکاری سکولوں میں اساتذہ کی تنخواہیں بھی تین گنا بڑھ گئیں، نئے انتظام کے بعد طلبہ کے لئے کرسیاں اور ڈیسک وغیرہ کی تعداد تین لاکھ 71ہزار سے بڑھ کر5 لاکھ 23ہزار ہوگئی،چند ماہ میں ہی 35 نئے کلاس رومز بن گئےاور 459 کی تعمیر و مرمت مکمل کی گئی
آؤٹ سورسڈ سکولوں واش رومز ،باونڈری وال کی تعمیر اور واٹر سپلائی پمپ بھی نصب کئے گئے ہیں۔
آؤٹ سورسنگ کے بعد سکولوں میں اپنی مدد آپ کے تحت نئی اور جدید ترین کمپیوٹر لیب بنائی گئی۔
DATE . Mar/12/2025
