لاہور- وزیراعلیٰ پنجاب مریم نواز شریف نے کھیلوں کے فروغ کے لئے تمام ممکنہ وسائل مہیاء کرنے کا عزم ظاہر کیا ہے۔
وزیر اعلیٰ پنجاب نے ترقی اور امن کیلئے کھیلوں کے عالمی دن پر اپنے پیغام میں کہا ہے کہ کھیل اور امن کا عالمی دن دنیا منانے کا مقصد معاشرے میں کھیلوں کے مثبت کردار کو اُجاگر کرتا ہے،سپورٹس ایونٹس معاشرے میں امن اور ترقی کی راہ ہموار کرتے ہیں،امن اور کھیل لازم و ملزوم ہیں، امن ہوگا تو کھیل ہوں گے۔
انہوں نے کہا ہے کہ کھیل نوجوانوں میں ٹیم ورک، مسابقت اور برداشت پیدا کرنے میں اہم کردار ادا کرتا ہے،پنجاب میں کھیلوں کے فروغ کے لئے کھیلتا پنجاب پروگرام شروع کیا گیاہے،پنجاب میں پنک گینز امن اور مساوی ترقی کا استعارہ ہیں،حکومت کھیلوں کے فروغ کے لئے گراؤنڈ اور جمنیزیم بنا رہی ہے،پنجاب میں300 گراؤنڈ اور سپورٹس کمپلیکس بنانے کیلئے اقدامات کئے جارہے ہیں۔
وزیراعلیٰ پنجاب کا کہنا ہے کہ نوجوانوں، معمر افراد، معذور افراداور دیگر پسماندہ علاقوں کے ہرنوجوان کو سپورٹس کے مساوی مواقع مہیا کئے جارہے ہیں، کھیل کے لئے تمام ممکنہ وسائل مہیا کئے جائیں گے اور سپورٹس انڈوومنٹ فنڈ ز کو مزید بڑھا ئیں گے
DATE . Apr/6/2025
