شرم الشیخ :وزیرِاعظم محمد شہباز شریف کی شرم الشیخ میں منعقدہ امن سربراہ اجلاس کے موقع پر عالمی رہنماؤں سے ملاقاتوں کاسلسلہ جاری ہے ۔مختلف ممالک کے ان ملاقاتوں میں خطے میں امن کیلئے اقدامات پر تبادلہ خیال کیاگیا۔
وزیرِ اعظم شہبازشریف اور آذربائیجان کے صدر الہام علیوف کے درمیان ہونے والی ملاقات میں دونوں رہنماؤں نے غزہ میں جنگ بندی پر اطمینان کا اظہار کیا۔ اس موقع پر آرمینیاء کے وزیرِ اعظم نکول پاشنیان بھی ملاقات و گفتگو میں شریک ہوئے۔
وزیرِ اعظم نے اردن کے مانروا شاہ عبداللہ دوئم، بحرین کے شاہ حمد بن عیسی الخلیفہ اور اقوام متحدہ کے سیکریٹری جنرل انتونیو گوتریس سے بھی ملاقات کی ۔علاوہ ازیں وزیرِ اعظم کی انڈونیشیاء کے صدر پربوو صوبیانتو، جرمن چانسلر فریڈرک مرز، اسپین کے وزیرِ اعظم پیڈرو سانچیز، اٹلی کی وزیرِ اعظم جیورجیا میلونی اور سعودی عرب کے وزیرِ خارجہ شہزادہ فیصل بن فرحان آلسعود سے بھی ملاقات ہوئی۔
ملاقاتوں میں خطے میں امن کیلئے اقدامات پر تبادلہ خیال کیاگیا۔ وزیرِ اعظم نے ملاقاتوں میں فلسطین کے عوام کے ساتھ پاکستان کی جانب سے یکجہتی اور انکی سفارتی و اخلاقی مدد جاری رکھنے کا اعادہ کیا۔
DATE . Oct/14/2025
