اسلام آباد: ڈی جی آئی ایس پی آر لیفٹیننٹ جنرل احمد شریف چودھری اور وزیر اطلاعات و نشریات عطا تارڑ کا قومی سلامتی پر سیاسی جماعتوں کے ارکان کیساتھ ان کیمرا سیشن جاری ہے۔
ذرائع کے مطابق کیمرہ سیشن میں موجودہ صورتحال کے پیش نظر قومی سلامتی کے امور زیر غور۔ پہلگام فالس فلیگ آپریشن کے تناظر میں ہونے والے سیشن میں سیاسی جماعتوں کے رہنما بڑی تعداد میں شریک ہیں۔
ذرائع کا کہنا ہے کہ ڈی جی آئی ایس پی آر نے سیاسی جماعتوں کے شریک رہنماؤں کو پاک فوج کی تیاریوں سے آگاہ کیا اور بتایا کہ پاکستان ایک پُر امن ملک ہے اور خطے میں امن چاہتا ہے۔
ذرائع کے مطابق ڈی جی آئی ایس پی آر کا کہنا تھا کہ اگر پاکستان پر جارحیت مسلط کی جاتی ہے
تو افواج پاکستان دشمن کو منہ توڑ جواب دینے کیلئے تیار ہیں۔
ذرائع نے مزید بتای کہ ان کیمرہ سیشن میں وفاقی وزیر اطلاعات و نشریات نے سیاسی قائدین کو حکومتی سفارتی اقدامات اور ریاستی موقف سے بھی اگاہ کیا.
DATE . May/5/2025
